Aeroporti i Prishtinës zgjidhet stacioni me performancën më të mirë nga Easyjet për të nëntën herë – ORAinfo Ballina | ORAinfo.com - Nuk ndalet
Lajmet e fundit
7 °C

Aeroporti i Prishtinës zgjidhet stacioni me performancën më të mirë nga Easyjet për të nëntën herë

14:28 | 11 Janar 2018

Limak/Aeroporti Ndërkombëtar i Prishtinës “Adem Jashari” gjatë vitit 2017 ka shënuar numrin më të madh të udhëtarëve të procesuar ndonjëherë në historinë e tij.

Me këtë rast janë pranuar disa çmime nga kompani ajrore dhe organizata ndërkombëtare për performancë si dhe për kontributin e dhënë në projekte korporative të përgjegjshme ndaj shoqërisë.

Së fundmi, ANP “Adem Jashari” ka pranuar edhe një çertifikatë mirënjohje nga kompania ajrore Easyjet duke u zgjedhur stacioni me performancën më të mirë nga më shumë se 30 shtete ku kjo kompani operon pa aeroplanë të stacionuar. Kjo mirënjohje i është ndarë për procesim të shpejtë të fluturimeve, udhëtarëve si dhe bagazheve të tyre gjatë muajit Tetor 2017. Është hera e nëntë që ANP “Adem Jashari” pranon një mirënjohje të tillë nga Easyjet.

Easyjet është kompani ajrore që operon me kosto të ulët dhe është e pranishme në Kosovë që nga viti 2010 duke ofruar fluturime direkte me çmime të ulëta në disa destinacione.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!