Aksident i rëndë trafiku në Drenas, pesë persona të lënduar – ORAinfo Ballina | ORAinfo.com - Nuk ndalet
Lajmet e fundit
7 °C

Aksident i rëndë trafiku në Drenas, pesë persona të lënduar

21:46 | 04 Dhjetor 2017

Një aksident trafiku ka ndodhur në mbrëmjen e së hënës në zonën e Drenasit, ku të lënduar kanë mbetur 5 persona të moshës së re.

Mësohet se katër nga pesë të aksidentuarit janë nxënës, ndërsa janë goditur nga një automjet, kamionetë Mercedes, me targa vendëse, saktësisht në fshatin Korroticë e Lartë, në magjistralen Prishtinë-Pejë.

Rastin e ka konfirmuar zëdhënësi i Policisë së Kosovës, Daut Hoxha, i cili shtoi se dy nga të akisdentuarit kanë pësuar lëndime më të rënda.

”Në fshatin Korrotice e lartë eshte shkaktuar një aksident trafiku kur automjeti-kamioneta Mercedes me targa vendore ka goditur 5 këmbsorë te gjithe nga fshati Korrorice e lartë, 4 femra dhe nje mashkull, te moshes së re”, ka thënë Hoxha për Klan Kosova.

”Dy nga ta kane marr lendime te rënda ndersa tre tjere kanë lendime më të lehta”, ka bërë të ditur ai.

Hoxha, ka konfirmuar po ashtu se të lënduarit janë dërguar në Shtëpinë e Shëndetit në Drenas, ndërsa më vonë janë dërguar në QKUK për trajtim të mëtejshëm.

Njësitet kompetente policore janë në proces të realizimit të hetimeve lidhur me rastin për procedura të metejme ligjore, ka përfunduar ai.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!