Deklarata e kryeministrit bullgar për Kosovën çmend Serbinë – ORAinfo Ballina | ORAinfo.com - Nuk ndalet
Lajmet e fundit
15 °C

Deklarata e kryeministrit bullgar për Kosovën çmend Serbinë

18:00 | 16 Prill 2018

Kryeministri bullgar, Boyko Borissov. gjatë vizitës së sotme në Prishtinë konfirmoi se Kosova do të marrë pjesë në Samitin e Sofjes. Madje ai tha se Kosova do të paraqitet ashtu siç e kanë njohur mbi 100 shtete.

“Kosova do të përfaqësohet në Sofje ashtu si e kanë njohur mbi 100 vende të botës. Sa i përket regjimit të vizave varet edhe nga marrëveshjet me Beogradin, mirëpo unë jam pro dhe unë do të shfaqë insistim maksimal që kjo gjë të ndodhë”, u shpreh sot gjatë vizitës së tij, Borissov.

Kjo duket se e ka zënë në befasi Serbinë. Kohë më parë ministri serb, Ivica Daçiq kishte thënë se Serbia do të marrë pjesë në Samitin e Sofjes.

“Besoj se do të marrim pjesë, por frikësohemi se kjo do të shkaktojë alibi për njohjen e Kosovës”, tha Daçiq.

E sot, kryediplomati serb tha se ende nuk dihet se kush nga zyrtarët serbë, do të përfaqësojë Serbinë në Samtiin e Sofjes.

Ai tha se në këtë Samit marrin pjesë vetëm krerët shtetëror.

“Nuk e di, është mirë që këtë pyetje t’ia bëni Vuçiqit apo Bërnabiqit. Është takim i krerëve të shteteve apo shefave të qeverisë”, ka thënë ministri serb.

Samiti i Sofjes mbahet më 16 dhe 17 maj.

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!