Detaje të reja tronditëse rreth vrasjes së dy qytetarëve mbrëmë në Obiliq – ORAinfo Ballina | ORAinfo.com - Nuk ndalet
Lajmet e fundit
15 °C

Detaje të reja tronditëse rreth vrasjes së dy qytetarëve mbrëmë në Obiliq

10:56 | 09 Janar 2018

Mbrëmë, dy persona janë gjetur të vdekur në një shtëpi në fshatin Babimoc të Obiliqit.

Mësohet se bëhet fjalë për një çift bashkëshortor të nacionalitetit serb.

Shumë pak dihet deri më tani për vdekjen e një çifti serb mbrëmë në Babimoc të Obiliqit.

Nga burime policore, Gazeta Express ka arritur të mësojë detaje të reja të ngjarjes që ka tronditur Obiliqin dhe gjithë Kosovën.

Sipas këtyre burimeve, personi që lajmëroi Policinë dhe që ishte dëshmitari i parë i kontaktuar nga Policia, është vëllai i burrit tashmë të ndjerë.

Mësohet se vëllai kishte shkuar për t’i vizituar viktimat, ku edhe kishte vërejtur se dera e shtëpisë ishte e mbyllur. Atij iu ka dukur se diçka nuk është në rregull, andaj ka hyrë me forcë në shtëpi.

Dëshmitari ka potencuar se viktimat i ka gjetur në dhoma të ndara dhe të shtrira, njëra në dysheme e tjetra në divan.

Burri është gjetur i tëri i përgjakur me thikën e kuzhinës afër, kurse gruaja e shtrirë në divan dhe me një litar rreth qafës.

Sipas dëshmitarëve të tjerë, mësohet se burri kishte të meta mendore dhe për këtë ishte trajtuar disa herë ne Neuropsikiatri, kurse gruaja ishte me nevoja të veçanta.

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!