E mbyti nënën kosovare bashkë me të birin, ja çka ndodhi me qenin agresiv! – ORAinfo Ballina | ORAinfo.com - Nuk ndalet
Lajmet e fundit
7 °C

E mbyti nënën kosovare bashkë me të birin, ja çka ndodhi me qenin agresiv!

08:05 | 17 Prill 2018

Qeni hibrid i racës staffordshire terrier, i cili në Hannover të Gjermanisë mbyti nënë e bir shqiptarë, tashmë është eutanizuar.

Qeni luftarak me nofkën Chico, i cili nga fillimi i muajit prill të këtij viti, në Hannover të Gjermanisë mbyti nënë e bir, është eutanizuar (vdekje e lehtë). Sipas një artikulli të publikuar në “Bild”, procedura në fjalë është kryer pas një hetimi në klinikën veterinere të Universitetit të Hannoverit, gjatë ditës së hënë, përcjell Albinfo.ch.

Para një jave, shoqata për mbrojtjen e kafshëve në Hannover kishte paralajmëruar se Chico do të jetojë edhe më tej dhe nuk do të vritet. Rreth 230 000 persona e kanë nënshkruar një peticion kundër vrasjes së qenit.

Qyteti i Hannoverit e pranoi se gjatë kësaj kohe kishte ndodhur një lëshim, pasi autoriteteve që në vitin 2011 u kishte rënë në sy se qeni duhej të kontrollohej, por një kontroll i tillë asnjëherë nuk është realizuar.

Qeni me ngjyrë kafe, nuk kishte pasur asnjëherë reputacion të mirë tek fqinjët, pasi ishte vlerësuar si agresiv.

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!