Vendimi i Kosovës për taksës prej 100% për produktet serbe, vazhdon të mbetët shumë i diskutuar.
Bashkimi Evropian ka kërkuar që kjo taksë të hiqet sa më shpejt.
Shtetet anëtare të Bashkimit Evropian do të shqyrtojnë kërkesën e Qipros për të diskutuar për bllokadën e dialogut në mes të Kosovës e Serbisë.
28 liderët e Bashkimit Evropian, më 13 dhjetor në samitin që do të mbahet në Bruksel, do të shqyrtojnë kërkesën e Qipros për të diskutuar për bllokimin e dialogut në mes të Serbisë dhe Kosovës.
Mediumi serb “Tanjug”, duke u thirrur në burime brenda Këshillit Evropian, kanë konfirmuar se në ditën e parë të këtij samiti do ta shqyrtojnë kërkesën e Qipros për të diskutuar për bllokadën e dialogut Kosovë – Serbi.
Këshilli Evropian, ka vlerësuar se kjo bllokadë e dialogut në mes të Kosovës e Serbisë, ka ardhur si pasojë e vendosjes së taksës doganore prej 100 për qind për mallrat e Serbisë dhe të Bosnjës, shkruan Tanjug.
Këto burime thonë se vendosja e masës doganore nga ana e Kosovës e komplikon situatën edhe më shumë dhe nuk kontribuon në zgjidhjen e problemeve dhe se vendosja e taksës prej 100 për qind për Serbinë dhe Bosnjën është në kundërshtim me marrëveshjen e CEFTA-s.
“Taksa duhet të shfuqizohet”, ka thënë për “Tanjug” ky burim i Këshillit të BE-së.
Ndryshe, Qiproja është njëri ndër pesë vendet anëtare të Bashkimit Evropian i cili nuk e njeh pavarësinë e Kosovës.
10 °C
