Edi Rama thërret mbledhjen e Qeverisë në Elbasan, çfarë po ndodh – Ora Info Ballina | ORAinfo.com - Nuk ndalet
Lajmet e fundit
0 °C

Edi Rama thërret mbledhjen e Qeverisë në Elbasan, çfarë po ndodh

09:02 | 06 Janar 2019

Qeveria e Shqipërisë do të mblidhet sot në Elbasan, ku do të jenë të pranishëm edhe ministrat e ri të kabinetit qeveritar.

Ditën e sotme, Kryeministri Rama do të zhvillojë një mbledhje të qeverisë në qytetin e Elbasanit.

Burimet bëjnë me dije për gazetën “Panorama” se në mbledhjen e sotme të qeverisë në Elbasan do të jenë të pranishëm edhe ministrat e rinj të kabinetit Rama, si ato të dekretuar nga Presidenti Meta, ashtu edhe ato të padekretuar.

Takimi bëhet në një kohë kur qeveria pritet të vendosë objektivat e saj të reja për vitin 2019, ku krahas angazhimeve politike siç janë zgjedhjet vendore, në krye të objektivave do të jetë gjithashtu edhe procesi i integrimit të Shqipërisë në Bashkimin Europian.

Kjo, pasi në muajin qershor do të jepet verdikti i radhës për hapjen e negociatave për anëtarësim në Bashkimin Europian.

Në takim pritet të jetë edhe kryetari i Grupit Parlamentar të PS-së, Taulant Balla dhe kryetari i Kuvendit, Gramoz Ruçi.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!