Facebook vjen me një super risi për klientët e tij – ORAinfo Ballina | ORAinfo.com - Nuk ndalet
Lajmet e fundit
12 °C

Facebook vjen me një super risi për klientët e tij

09:03 | 07 Gusht 2018

Kompania Facebook ka hapur bisedimet me disa nga bankat më të rëndësishme botërore, për të negociuar ofrimin e shërbimit të klientit nëpërmjet rrjetit social.

Lajmin e kanë dhënë përfaqësues të kompanisë, të cilët treguan se synojnë që nëpërmjet Messenger-it, të mund të bëjnë lidhjen e klientit, me oficerët e shërbimit të bankave.

Ky shërbim synohet të arrihet nëpërmjet lidhjes së llogarisë bankare me Facebook-un apo Messenger-in personal, ndërsa më pas do të ofrohej automatikisht shërbimi për klientin dhe do të lejonte kryerjen e shumë veprimeve.

Gjithsesi debati edhe në këtë rast lidhet me privatësinë e llogarive bankare, pasi nëse i jepet akses rrjetit social, atëherë Facebook mund të marrë një sërë të dhënash mbi transaksionet, transmeton tch.

“Ne nuk do ta përdorim këtë informacion përtej asaj që duhet për të ofruar shërbimin e klientit. Ne e kemi të qartë se pjesa më kritike e këtij bashkëpunimi, është të ruajmë informacionin dhe t’i bëjmë njerëzit të ndjehen të sigurt”, tha Facebook nëpërmjet një deklarate zyrtare.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!