Gjermania është SHBA-ja e re për Kosovën – ORAinfo Ballina | ORAinfo.com - Nuk ndalet
Lajmet e fundit
13 °C

Gjermania është SHBA-ja e re për Kosovën

08:15 | 20 Gusht 2018

Analisti politik në Këshillin Politik të Demokratizimit, Bodo Weber, shpreson që deklarimi i kancelares Merkel i jep fund dinamikës së rrezikshme dhe (vetë)shkatërruese në procesin e dialogut Kosovë-Serbi, të cilën e kemi parë të shpaloset për gati një vit tashmë

K.D: Javën e kaluar kancelarja Merkel tha se nuk mund të ketë ndryshim kufijsh në Ballkan duke hedhur poshtë deklarimet dhe propozimet e kohëve të fundit nga presidentët Thaçi dhe Vuçiq. Pse ishte e nevojshme që kancelarja Merkel të dalë publikisht kundër këtyre ideve dhe a mendoni se kjo e mbyll debatin rreth ndarjes/këmbimit të territoreve/korrigjimit të kufijve?

Bodo: Deklarata e kancelares Merkel dhe zyrtarëve të Qeverisë gjermane se koha e ndryshimit të kufijve në Ballkanin Perëndimor ka kaluar ishte thënë edhe në fillim të dialogut, e kishte mundësuar atë dhe ishte një nga parimet kryesore të kornizës fillestare të procesit. Andaj ishte e natyrshme që kancelarja Merkel doli publikisht për ta përsëritur këtë fakt bazik, marrë parasysh deklarimet politike rreth ndarjes, këmbimit të territoreve, korrigjimit të kufijve etj., që nga shpallja e fazës finale të negociatave në dialog, në korrik 2017, e që origjinën e kishte në Beograd, dhe së voni u përhap në Prishtinë dhe disa kryeqytete perëndimore. Kjo është po ashtu një shenjë e qartë se mesazhet e Berlinit prapa dyerve të mbyllura për Vuçiqin dhe të tjerët që të ndalen me vizatimin e pakuptimtë, të rrezikshëm, të hartave u treguan të pamjaftueshme, dhe se kërkohej një mesazh i fuqishëm publik. Sipas mendimit tim, kjo është dashur të bëhej më herët, por është mirë që më në fund ajo e tha këtë publikisht. Vërtet shpresoj se kjo i jep fund dinamikës së rrezikshme dhe (vetë)shkatërruese, të cilën e kemi parë të shpaloset për gati një vit tashmë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!