Gripi i derrave përfshin Ballkanin, 210 persona humën jetën – Ora Info Ballina | ORAinfo.com - Nuk ndalet
Lajmet e fundit
0 °C

Gripi i derrave përfshin Ballkanin, 210 persona humën jetën

21:12 | 03 Shkurt 2019

Epidemia e gripit përfshin Ballkanin.

Përhapja me ritme të shpejta e gripit të derrit ka vënë në alarm autoritetet e shteteve ballkanike por edhe atyre italiane. 210 është numri i personave që humbën jetën në Ballkan dhe Itali.

Mjekët thonë se bëhet fjalë për gripin më të rëndë të kësaj dekade. Rekordin e mban Rumania me 69 të vdekur.
Autoritetet atje kanë shpallur gjendjen e epidemisë, teksa qindra mijëra doza vaksinash janë vënë në dispozicion të popullatës në zonat ku është vënë re përhapje e lartë. Tepër i lartë është edhe numri me fatalitet në Itali që në ditët e para të Shkurtit arriti në 48.

Viktima janë regjistruar edhe në Kroaci, Bosnje, Greqi, Mal të Zi e Bullgari. Të prekurit janë me mijëra, thuajse në të gjitha vendet ballkanike.

Mjekët thonë se humbjet janë shkaktuar tek pacientë që kanë vuajtur nga të tjera sëmundje dhe gripi ua ka gjetur të dobët organizmin. Shumica e personave që kanë humbur jetën, kanë vuajtur nga diabeti apo sëmundjet në rrugët e frymëmarrjes.

Gripi i derrit është një sëmundje respiratore që prek edhe njerëzit. Përhapet nga kollitjet, tështitjet dhe qëndrimi për një kohë të gjatë në ambiente me njerëz të infektuar.

Simptomat janë temperatura e lartë mbi 39 gradë Celsius, dhimbja e kokës, muskujve, kolla, djegia e syve, e të vjellat.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!