“Haradinaj do ta mbajë premtimin që ia dha SBAShK-ut” – ORAinfo Ballina | ORAinfo.com - Nuk ndalet
Lajmet e fundit
7 °C

“Haradinaj do ta mbajë premtimin që ia dha SBAShK-ut”

23:17 | 13 Mars 2018

Drejtori i Drejtorisë së Arsimit në Komunën e Prishtinës, Jonuz Salihaj, duke folur për grevën e organizuar në arsim nga Sindikata e Bashkuar të Arsimit, Shkencës dhe Kulturës (SBAShK), ka theksuar se Kosova nuk e ka luksin që të ketë edhe më tutje humbje në sistemin arsimor të saj.

Salihaj në emisionin “Debat D Plus”, të RTV Dukagjini, ka thënë se degradimi i sistemit arsimor, do të thellohet edhe më shumë me privimin e fëmijëve nga mësimi, e që po ndodhë ditëve të fundit.

“Ne po i lëmë fëmijët pa mësim, sepse ish – qeveritarë ishin neglizhentë dhe se nuk e kanë kryer një obligim të tyre”, ka shtuar Salihaj.

Sipas tij, kryeministri Haradinaj dhe ministri i Arsimit, Shyqiri Bytyqi janë të interesuar që të plotësojnë kërkesën e SBAShK-ut për njohjen e pensionit të mësimdhënësve që kanë punuar gjatë viteve të 90-ta.

“Në kohë të fushatës Haradinaj ka nënshkruar një memorandum me sindikatën, dhe ai do ta kryejë atë obligim. Në anën tjetër, edhe ministri Bytyqi është i interesuar ta çojë këtë çështje përpara”, ka theksuar Salihaj.

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!