Haradinaj tregon për hapat që duhet ndërmarrë pë zgjidhjen e çështjes së “Trepçës” – ORAinfo Ballina | ORAinfo.com - Nuk ndalet
Lajmet e fundit
7 °C

Haradinaj tregon për hapat që duhet ndërmarrë pë zgjidhjen e çështjes së “Trepçës”

15:35 | 03 Tetor 2017

Kryeministri, Ramush Haradinaj ka njoftuar kabinetin qeveritar me hapat që duhet ndërmarrë me qëllim të zgjidhjes së problemeve me të cilat po ballafaqohet “Trepça”.

Kryeministri ka theksuar se hapat e evidentuar deri tani janë të fushës dhe përgjegjësive të ministrive si vijon:

Ministria e Zhvillimit Ekonomik (MZHE):

– Të miratohet Statuti i Trepça SH.A. duke u bazuar në nenin 6 të Ligjit nr.05/L-120 për Trepçën;

– Të bëhet regjistrimi Trepça SH.A në Agjencinë e Regjistrimit të Bizneseve (MTI) duke u bazuar në nenin 7 të Ligjit nr.05/L-120 për Trepçën;

– Gjithashtu ministria e cekur në nenin 7 të Ligjit të lartcekur të bëj regjistrimin e njësive banesore Trepça SH.A. të cekura në nenin 2, paragrafët 2.1, 2.2 dhe 2.3 të këtij Ligji;

– Bazuar në nenin 3 paragrafët 3.1, 3.2 dhe 3.3 të Ligjit dhe arsyeshmërinë ekonomike dhe financiare të formohen edhe njësitë e parapara në këtë dispozitë.

Ministria e Punës dhe Mirëqenies Sociale (MPMS):

– Të sigurohet baza juridike për dhënien e pensioneve me 70% nga paga e punëtorëve, ashtu siç janë pensionet në disa institucione në Republikën e Kosovës;

– Të sigurohet baza juridike për pranimin e stazhit të punës për vitet 1990-1999;

– Punësimi i të rinjve, dhe

– Zbatimi i Marrëveshjes së Përgjithshme Kolektive të Kosovës

Ministria e Financave (MF):

Ndërmarrja Trepça, të përfshihet në procesin e faljes së borxheve të shkaktuara në periudhën e UNMIK-ut.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!