Haziri: LDK do të garojë e vetme në zgjedhjet nacionale – ORAinfo Ballina | ORAinfo.com - Nuk ndalet
Lajmet e fundit
8 °C

Haziri: LDK do të garojë e vetme në zgjedhjet nacionale

23:58 | 22 Tetor 2018

Nënkryetari i LDK-së, Lutfi Haziri ka thënë se partia e tij do të garojë si e vetme në zgjedhjet e ardhshme.

Ai ka lënë mundësi të vogla që të bëjnë një koalicion parazgjedhor me Vetëvendosjen, pasi që sipas tij, kanë dallimë me ta.

Hazriri është shprehur i bindur se LDK do të fitojë si e vetmë në zgjedhjet e ardhshme.
Haziri ka thënë në emisionin “DPT Te Fidani”, në televizionin T7, se partia e tij, ndonëse zyrtarisht nuk i është bashkuar protestës së Lëvizjes Vetëvendosje kundër presidentit Hashim Thaçi dhe planit të tij për “korrigjim kufijsh” me Serbinë, ajo s’ka qenë kundër saj.

Haziri ka theksuar se LDK ka pasur një tolerancë ndaj protestës së VV-së, të mbajtur javë më parë.

Ai po ashtu ka thumbuar kolegët e tij partiakë, për të cilët ka thënë se “po i gëzohen rritjes së Vetëvendosjes”. Krejt kjo, sipas Hazirit, “për inat të Partisë Demokratike të Kosovës”.

Haziri ka thënë se anëtarëve të LDK’së duhet t’i interesojë vetëm rritja e partisë së tyre – dhe se ata duhet t’i gëzohen vetëm rritjes së LDK-së.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!