I biri i Bin Laden martohet me vajzën e njeriut që rrëzoi Kullat Binjake – ORAinfo Ballina | ORAinfo.com - Nuk ndalet
Lajmet e fundit
16 °C

I biri i Bin Laden martohet me vajzën e njeriut që rrëzoi Kullat Binjake

22:11 | 06 Gusht 2018

Askush nuk e di me saktësi se ku ndodhet Hamza bin Laden, 29 vjeç. Por për emrin e djalit të Osama bin Laden ka shumë spekulime.

Në një intervistë për gazetën Guardian, gjysmë-vëllezërit e themeluesit të Al Kaedës thonë se Hamza bin Laden është martuar me vajzën e atentatorit të 11 Shtatorit, Mohammed Atta.

“Kemi dëgjuar se është martuar me vajzën e Mohammed Atta. Nuk e dimë me siguri se ku është. Por mund të jetë në Afganistan,” thotë Ahmad al-Attas.

Hamza bin Laden është djali i një prej tre grave të mbijetuara të Osama bin Laden.

Që prej humbjes së babait, ai është angazhuar vazhdimisht për hakmarrje.

Mësohet se Hamza bin Laden ka marrë një rol të rëndësishëm në organizatën terroriste Al Kaeda.

Osama bin Laden ishte planifikuesi dhe zbatuesi i sulmeve të 11 shtatorit 2001 në Nju Jork dhe Uashington.

Një nga autorët e sulmit ishte edhe Mohammed Atta, që drejtoi një nga avionët e rrëmbyer drejt kullës veriore të ‘World Trade Center’.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!