Investimi i madh i Audi-s – Ora Info Ballina | ORAinfo.com - Nuk ndalet
Lajmet e fundit
0 °C

Investimi i madh i Audi-s

12:55 | 06 Dhjetor 2018

Schott është kreu i përkohshëm i “Audi” pas arrestimit të Rupert Stadler për shkak të skandalit për manipulimin e testeve për ndotjen.

Prodhuesi gjerman i automjeteve, “Audi” do të investojë 14 miliardë euro në zhvillimin e automjeteve elektrike, dixhitalizim dhe makinat pa pilot në vitet në vijim.

Synimi është që të ofrohen 10 modele krejtësisht elektrike dhe 10 të tjera me motor hibrid deri në vitin 2025.

“Ne kemi orientuar synimet tona drejt lëvizshmërisë elektrike dhe do t’i përqendrojmë edhe më shumë përpjekjet tona”, tha Bram Schot në selinë qendrore të “Audi” në qytetin gjerman të Ingolstadt.

Schott është kreu i përkohshëm i “Audi” pas arrestimit të Rupert Stadler për shkak të skandalit për manipulimin e testeve për ndotjen.

Investimi i “Audi” është pjesë e strategjisë së grupit “Volkswagen”, që ka shpallur një plan investimi prej 44 miliardë eurosh në teknologji të reja.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!