Isa Mustafa reagon për shkarkimet në AKP, thotë se pronat e Kosovës janë në rrezik – ORAinfo Ballina | ORAinfo.com - Nuk ndalet
Lajmet e fundit
2 °C

Isa Mustafa reagon për shkarkimet në AKP, thotë se pronat e Kosovës janë në rrezik

14:14 | 30 Tetor 2018

Pas shkarkimeve në Agjencinë Kosovare të Privatizimit, ka reaguar kryetari i Lidhjes Demokratike të Kosovës, Isa Mustafa.

Kreu i LDK-së, Isa Mustafa, përmes një postim në Facebook ka thënë se nga Agjencia Kosovare e Privatizimit po detyrohen të largohen ata që ishin të pakorruptueshëm në mënyrë që të hapen rrugët që dikush të pasurohet nga pronat që i takojnë Kosovës.
Mustafa i ka dalë në mbrojtje Petrit Gashit, që dje dha dorëheqje nga posti i Kryetarit të Bordit të Drejtorëve të AKP-së, duke thënë se për tre vjet kjo Agjenci është kursyer nga aferat dhe skandalet.

Ai po ashtu ka thënë se largimi i tyre është argument se pushtetit aktual duhet të shkojë sa më shpejtë, përcjell lajmi.net.

Ky është postimi i plotë i Mustafës:

Dje mësova nga mediat se Petrit Gashi dha dorëheqje nga posti i Kryetarit të Bordit të Drejtorëve të Agjensionit Kosovar të Privatizimit. Ndërkaq, para disa ditësh anëtarët e këtij bordi, me përjashtim të Petritit, kishin vendosur ta shkarkojnë drejtorin menaxhues të Agjensionit..

Janë mbushur mbi tre vite që Kosova është kursyer nga aferat dhe skandalet në AKP, nga vjedhjet dhe manipulimet. Prandaj ata që nuk vodhën dhe nuk manipuluan as për vete as për të tjerët u detyruan të largohen. Profesor Petrit Gashi, një prej ekonomistëve më të thellë dhe më të spikatur jo vetëm në Kosovë por edhe më gjerë, i doktoruar në Britani të Madhe, i specializuar në shumë programe në SHBA, largohet, sepse nuk bashkëpunon me krimin.

Është e dhimbshme dhe zhgënjyese që pas një pune sistematike, të suksesshme dhe vënie të rregullit në AKP, drejtuesit e këtij agjensioni të detyrohen të shkarkohen dhe të japin dorëheqje, për të hapur rrugë që dikush të pasurohet nga pronat që i takojnë Kosovës.

Ky është edhe një argument se ky pushtet duhet të shkoj sa më parë. IM

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!