Ja sa miliona euro është dëmi që veteranët e rrejshëm ia shkaktuan buxhetit të Kosovës – ORAinfo Ballina | ORAinfo.com - Nuk ndalet
Lajmet e fundit
5 °C

Ja sa miliona euro është dëmi që veteranët e rrejshëm ia shkaktuan buxhetit të Kosovës

20:10 | 14 Shtator 2018

Megjithëse prokurori Elez Blakaj u arratis nga Kosova javë më parë, aktakuza e përpiluar nga ai, do të shkojë në Gjykatën Themelore të Prishtinës.

Të gjithë 12 ish-anëtarët e Komisionit për Verifikimin e Veteranëve të luftës: Agim Çeku, Rrustem Berisha, Nuredin Lushtaku, Shkumbin Demalijaj, Shukri Buja, Sadik Halitjaha, Faik Fazliu, Fadil Shurdhaj, Xhavit Jashari, Qelë Gashi, Ahmet Daku dhe Smajl Elezaj, do të përballen me aktakuzën “keqpërdorim i pozitës apo autoritetit zyrtar.

Gjithashtu, në aktakuzë është propozuar që gjykata të lëshojë masë për ndalimin e pagesës së pensioneve të fituara në mënyrë të kundërligjshme, si veteranë luftëtarë të UÇK-së, deri në përfundimin e procedurës penale.

Nga provat e siguruara deri më tash, sipas prokurorisë, është vërtetuar se nga pagesat e kundërligjshme për veteranët luftëtarë të UÇK-së, buxheti i Kosovës është dëmtuar në shumë prej mbi 68 milionë eurosh, saktësisht 68.153.533.14 euro.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!