Kultuvuesit e duhanit pa mborjtje shtetërore – ORAinfo Ballina | ORAinfo.com - Nuk ndalet
Lajmet e fundit
13 °C

Kultuvuesit e duhanit pa mborjtje shtetërore

08:19 | 20 Gusht 2018

Kultivuesit vendorë të duhanit dhe cigareve vazhdojnë të mos mbrohen nga importi.

Politikat fiskale që aplikohen nga Qeveria e Kosovës nuk stimulojnë prodhimin vendor të duhanit dhe njëkohësisht kjo kulturë bujqësore nuk bën pjesë as në grupin e kulturave bujqësore që përkrahet nga ana e Ministrisë së Bujqësisë, Pylltarisë dhe Zhvillimit Rural, shkruan sot Koha Ditore.

Shkaku i vështirësive me të cilat përballet ky sektor bujqësor, me kërkesë të Odës Ekonomike të Kosovës, Qeveria përkatësisht Ministria e Financave ka hartuar një koncept-dokument me të cilën synohet që norma e akcizës për cigaret e prodhuara në Kosovë të përllogaritet duke përdorur metodën “ad valorem” (sipas vlerës).

Në këtë koncept-dokument thuhet se përllogaritja të bëhet në çmimin shitës me pakicë të cigareve të prodhuara në Kosovë dhe norma e akcizës së aplikuar të jetë 30 për qind në vlerën shitëse me pakicë.

Për vitin e ardhshëm Qeveria synon që ta vendosë edhe duhanin në mesin e kulturave bujqësore që subvencionohet nga ana e saj. “Pagesa e subvencionimit të duhanit duhet të jetë e ndërlidhur me dorëzimin e produktit tek grumbulluesit (e ngjashme sikurse tek rasti i subvencionimit të qumështit për fermerë)”, thuhet në koncept-dokumentet.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!