Lajm i mirë për shoferët, bien çmimet e naftës – ORAinfo Ballina | ORAinfo.com - Nuk ndalet
Lajmet e fundit
7 °C

Lajm i mirë për shoferët, bien çmimet e naftës

10:32 | 10 Mars 2018

Agjencia e Statistikave të Kosovës (ASK) për herë të parë ka përgatitur publikimin “Efiçienca e energjisë në Kosovë” për periudhën 2011-2016.

Qëllimi i këtij publikimi është të paraqes treguesit e efiçiencës së energjisë për sektorët e industrisë dhe ekonomive familjare, raporton ekonomia-ks.

Prodhimi total i energjisë primare ka pasur ngritje gjatë periudhës 2011-2016 prej 1.793 Mtoe në 2.010 Mtoe rreth 12.12% (ose 2.4% në vit).

Prodhimi kishte tendencë të ulet deri në vitin 2014 (rënia më e madhe ishte në vitin 2014), kurse rritja kishte filluar nga viti 2015, kurse në vitin 2016 ka arritur 2.01 Mtoe.

Çmimet e naftës gjatë periudhës 2011 – 2016 kanë shënuar ulje graduale nga viti në vit, ku në vitin 2011 çmimi për një litër naftë ishte 1.24 euro/l, kurse nw vitin 2016 çmimi për litër naftë ishte 0.93 euro/l, apo kemi një ulje të çmimit të naftës për rreth 25%.

Çmimet e benzinës gjatë periudhës 2011 – 2016 kanë shënuar po ashtu ulje graduale nga viti në vit, ku në vitin 2011 çmimi për një litër benzinë ishte 1.24 euro/l kurse ne vitin 2016 çmimi për litër ishte 0.98 euro/l, qw i bie një ulje të çmimit të benzinës përreth 21%.

Intensiteti i prodhimit primar dhe intensiteti final i BPV-së u rrit në vitin 2016, krahasuar me vitin 2011 respektivisht nga 12.12% në 11.52%

 

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!