Ligji për paga, reagon SBASHK-u – Ora Info Ballina | ORAinfo.com - Nuk ndalet
Lajmet e fundit
0 °C

Ligji për paga, reagon SBASHK-u

15:12 | 11 Shkurt 2019

Ligji për paga po kërkohet që të shqyrtohet edhe një herë.

Sindikata e Bashkuar e Arsimit dhe Shkencës, ka reagur lidhur me raportimet e disa mediave se kjo organizatë ka bërë kërkesë në presidencë për mosdekretimin e Ligjit për Paga nga presidenti.
Në reagimin e SBASHK shkruan:

“Nëse Presidenti i Kosovës nuk e dekreton Ligjin e pagave SBAShK-u nuk do të jetë kundër pasi që edhe gjatë grevës një prej opsioneve të SBAShK-ut ishte edhe tërheqja e Projektligjit të pagave dhe kthimi i tij në Qeveri ashtu që do të ulen institucionet, sindikatat dhe punëtorët dhe do ta bëjnë një Ligje të ri të pagave ku mësimdhënësit do ti rangonte në vend meritor dhe do të ishte një ligj i pagave i pranueshëm nga të gjithë sektorët publik”.

“Mësimdhënësit e arsimit fillor janë të pakënaqur me koeficientin e tyre në Ligjin e pagave pasi ata kanë koeficientin për 0.15 më të vogël se arsimi i mesëm i ulët por ata nëse dojn të shkojnë përmes SBAShK-ut duhet ti drejtohen së pari kryetarit sindikal të shoqatës, Kryetarit të sindikatës së arsimit fillorë të Kosovës e deri në kryesinë e SBASHK-ut për gjetjen e një zgjidhje më të mirë të mundshme edhe për nivelin fillor.

Nëse mësimdhënësit e Arsimit fillor bëjnë kërkesë për mos dekretim të Ligjit ne prapë nuk jemi kundër”, njofton Sindikata e Bashkuar e Arsimit Shkencës

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!