MTI zgjedh Telekomin e Kosovës – Ora Info Ballina | ORAinfo.com - Nuk ndalet
Lajmet e fundit
0 °C

MTI zgjedh Telekomin e Kosovës

15:53 | 25 Janar 2019

Ministria e Tregtisë dhe Industrisë (MTI) ka zgjedhur Telekomin e Kosovës për ofrimin e shërbimeve telekomunikuese mobile dhe fikse.

Marrëveshja është nënshkruar sot nga Bedri Istrefi, U.D. Kryeshef Ekzekutiv i TK-së dhe Endrit Shala, ministër i MTI-së.

“Jemi të kënaqur që të përmbushim qëllimin e MTI-së, për të pasur komunikim sa më efikas dhe të shpejtë, duke lehtësuar kësisoj komunikimin e tyre mes vete, por edhe me institucionet dhe palët tjera”, tha Bedri Istrefi, U.D. Kryeshef Ekzekutiv i Telekomit të Kosovës.

Telekomi i Kosovës do t’i mundësojë tërë personelit të MTI-së që të kenë shërbim të pandërprerë dhe cilësor, duke përfshirë edhe kujdesin e shtuar dhe të vazhdueshëm ndaj konsumatorëve.

“Marrëveshja e sotme përmban nivelin më të lartë të cilësisë së shërbimeve të telefonisë mobile, fikse dhe të internetit, për të siguruar komunikim efikas të telefonisë mobile, fikse dhe internetit të shpejtë”, theksoi Endrit Shala, kreu i Ministrisë së Tregtisë dhe Industrisë (MTI)

U.D. i Kryeshefit Ekzekutiv të Telekomit të Kosovës gjatë takimit me z. Endrit Shala, Ministër i Tregtisë dhe Industrisë, kanë diskutuar gjithashtu për format e ndryshme të bashkëpunimit ndërinstitucional.

Telekomi i Kosovës, Vala edhe më tutje mbetet zgjedhja më e preferuar e institucioneve publike dhe bizneseve private, pasi që ofron shërbimet telekomunikuese më cilësore dhe kjo dëshmohet me numrin gjithnjë e më të madh të konsumatorëve individualë dhe biznesorë që po i bashkohen çdo ditë operatorit publik Vala.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!