Organizohet gara e diturisë në matematikë në Prishtinë – ORAinfo Ballina | ORAinfo.com - Nuk ndalet
Lajmet e fundit
7 °C

Organizohet gara e diturisë në matematikë në Prishtinë

09:39 | 17 Prill 2018

Në vazhdën e aktiviteteve dhe garave të shumta, në funksion të identifikimit të talenteve të rinj, mbështetjes së tyre dhe përmirësimit të cilësisë në arsim, Drejtoria e Arsimit organizoi të hënën garën në lëndën e matematikës për nxënësit e klasës XII.

Ky organizim u bë në koordinim me studentë të Kosovës që studiojnë në Universitetin e Koprit në Slloveni, dhe me ish-drejtoreshën e arsimit të Komunës së Gjakovës, Diana Qarkaxhija.

Në këtë garë pjesëmarrës ishin 25 nxënës të klasave të dymbëdhjeta (XII), të cilët pasi kanë treguar shkathtësi dhe rezultate të larta në garat e zhvilluara në shkollat e tyre, iu nënshtruan testit në nivel komune.

Veçantia e kësaj gare është se dy kandidatët më të suksesshëm do të fitojnë të drejtën për të studiuar në Universitetin e Primorskës në Republikën e Sllovenisë, me bursë të plotë në vlerë prej 4,500 eurosh.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!