Pacollit i del gjumi, me vonesë e mbështet nismën e Bahtirit për bashkimin e Mitrovicës – Ora Info Ballina | ORAinfo.com - Nuk ndalet
Lajmet e fundit
0 °C

Pacollit i del gjumi, me vonesë e mbështet nismën e Bahtirit për bashkimin e Mitrovicës

21:25 | 14 Janar 2019

Një muaj pasi ka nisur iniciaticva nga Agim Bahtiri për bashkimin e Mitorivës , kryetarit të AKR-së, Behgjet Pacolli duket se i ka dal gjumi.

Ministri i Punëve të Jashtme, Behgjet Pacolli, ka thënë se e përkrah iniciativën e kryetarit të Komunës së Mitrovicës, Agim Bahtiri për bashkimin e Mitrovicës.

Sipas tij, askush nuk është kundër nismave qytetare, të bazuara në kushtetutë dhe ligj.

Ja postimi i plotë në Facebook:

Besoj që askush nuk është kundër nismave qytetare, të bazuara në kushtetutë dhe ligj, për më tepër kur këto janë një mekanizëm për ushtrimin e sovranitetit i cili buron nga qytetarët dhe u takon vetëm atyre.

Republika e Kosovës e ka rregulluar mjaft mirë procedurën dhe kriteret përmes të të cilave realizohet një nismë legjislative nga qytetarët, qoftë për ndryshimin e ndonjë ligji apo hartimin e ndonjë ligji të ri. Dihet se inicimi i nismës legjislative është vetëm një fazë e kësaj procedure, dhe se pas kësaj i mbetet Kuvendit të Republikës së Kosovës që të vendos për procedimin e mëtutjeshëm të nismës legjislative, që vjen nga qytetarët.

Andaj, nisma e qytetarëve të Komunës së Mitrovicës së Jugut për ndryshimin dhe plotësimin e Ligjit për Kufijtë Administrativ të Komunave, e iniciuar nga kryetari i Komunës Z. Agim Bahtiri dhe Kuvendi Komunal i Komunës së Mitrovicës së Jugut, është një e drejtë kushtetuese, që buron nga vullneti i tyre për të ushtruar sovranitetin që i takon vetëm qytetarëve.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!