Përsëri Neymar! Braziliani po e thyen rekordin e transferimeve – ORAinfo Ballina | ORAinfo.com - Nuk ndalet
Lajmet e fundit
11 °C

Përsëri Neymar! Braziliani po e thyen rekordin e transferimeve

23:45 | 12 Janar 2018

500 milionë euro, kaq është i gatshëm të ofrojë Unitedi për Neymarin, më shumë se dyfishin që pagoi PSG-ja për ta marrë atë nga Barcelona në vitin 2017.

Manchester United është i gatshëm që të bëjë çmenduri për të sjellë brazilianin Neymar në Angli, i cili po kërkohet edhe nga Real Madridi, raporton “Le10Sport”.

Sipas “Le10Sport”, United po përgatit plot 500 milionë euro për sulmuesin brazilian, i cili verën e kaluar la Barcelonën për t’u transferuar te PSG-ja për 222 milionë euro.

Mourinho po kërkon një yll për sulmin e skuadrës së tij. Kandidati kryesor deri tani ka qenë Antoine Griezmann, por orët e fundit duket se vështrimi i “Djajve të Kuq” është hedhur edhe nga braziliani.

Neymar, që ka shënuar 20 gola dhe ka dhënë 14 pasime për gol në 22 ndeshjet që ka luajtur deri tani me PSG-në, kërkohet me ngulm edhe nga Real Madridi.

Florentino Perez është adhurues i kamotshëm i magjistarit brazilian dhe e do verën e ardhshme në “Santiago Bernabeu”, për të zgjidhur situatën nëpër të cilën po kalon klubi madrilen.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!