Qendra e Trajnimeve në KEK rrit kapacitetet – ORAinfo Ballina | ORAinfo.com - Nuk ndalet
Lajmet e fundit
12 °C

Qendra e Trajnimeve në KEK rrit kapacitetet

16:47 | 21 Shtator 2018

Valbona Fazliu, e diplomuar në Fakultetin e Inxhinierisë Elektronike në Universitetin e Prishtinës, ka pesë muaj që është duke u trajnuar këtu në Qendrën e Trajnimeve të Korporatës Energjetike të Kosovës.

Fazliu thotë se ky trajnim po i mundëson që të njihet më mirë me punën praktike, pasi një gjë e tillë nuk iu ofrua gjatë studimeve. Ajo beson se gjatë këtij trajnimi, do t’i përforcojë aftësitë e saj profesionale.

Edhe kandidatë të tjerë janë të kënaqur me mundësitë që i ofron ky trajnim në laboratorin e elektronikes.

Profesori Fehmi Kaçiu, teksa tregon për mundësitë dhe praktikat që realizohen në këtë laborator, thotë se po punojnë me teknologjitë më të avancuara.

E vetmja qendër trajnuese që ofron këto trajnime në rajon është mundësi e mirë për aftësimin e punëtorëve dhe certifikata që marrin është e njohur ndërkombëtarisht.

Qendra e Trajnimeve është hapur në vitin 2005 dhe ka dhjetë laboratorë.

Fillimisht, ishte paraparë vetëm për punëtorët e KEK-ut, por tash kjo qendër ka rritur kapacitetet edhe për punëtorë tjerë të interesuar dhe studentë të fushës.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!