Rekord i punësimeve nga Gjermania, përfitojnë edhe shqiptarët – Ora Info Ballina | ORAinfo.com - Nuk ndalet
Lajmet e fundit
0 °C

Rekord i punësimeve nga Gjermania, përfitojnë edhe shqiptarët

13:41 | 03 Janar 2019

Gjermania ka shënuar rekord të punësimit, ndër ata që ia kanë pa hajrin janë edhe kosovarët.

Gjermania vazhdimisht ka kërkuar punëtorë nga profile të ndryshme.

Punësimi në Gjermani vitin e kaluar ka arritur një nivel rekord pavarësisht ngadalësimit të ekonomisë kombëtare, pasi që numri i të punësuarve u rrit me 1.3 për qind në 44.8 milionë njerëz, sipas të dhënave të fundit zyrtare.

Numri i të punësuarve, sipas Zyrës Federale të Statistikave (Destatis), u rrit në 562.000, në sajë të cilës ajo arriti nivelin më të lartë të punësimit të bashkimit të Gjermanisë në vitin 1991.

“Rritja e pjesëmarrjes së popullsisë vendase në fuqinë punëtore dhe fluksi i punëtorëve të huaj neutralizuan efektet negative demografike, në mënyrë që numri i të punësuarve në vitin 2018 ishte më i larti që prej ribashkimit të Gjermanisë”, thuhet në faqen zyrtare të Destatis.

Ky është viti i 13-të me radhë që shënon rritje të punësimit, pasi në vitin 2017 pati rritje me 1.4 për qind.

Sektori i shërbimeve ka kontribuar në masë të madhe për rezultatet e vitit të kaluar për shkak të punësimit në këtë sektor u rrit me 1.2 për qind ose 384.000 persona.

Numri i të papunëve edhe në vitin 2018, ka vazhduar të bjerë, duke rënë me tetë për qind.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!