Rrahje në Gjian, kjo është kërkesa e Prokurorisë – Ora Info Ballina | ORAinfo.com - Nuk ndalet
Lajmet e fundit
0 °C

Rrahje në Gjian, kjo është kërkesa e Prokurorisë

18:40 | 29 Janar 2019

Një rrahje ka ndodhur në qytetin e Gjilanit, e për këtë rast, Prokuroria ka një kërkesë.

Prokuroria Themelore në Gjilan, Departamenti për Krime të Rënda, dje ka paraqitur kërkesë për caktimin e masës së paraburgimit, ndaj të dyshuarit G.A.

Por për këtë rast Prokuroria, sot ka bërë zgjerim të hetimeve dhe njëkohësisht ka ushtruar kërkesë për paraburgim, edhe ndaj të dyshuarve E.K. dhe A.XH., të cilët gjendet nën masën e ndalimit.

“Ekziston dyshimi i bazuar se, të pandehurit E.K. dhe A.XH., më 27 janar 2019, në parkingun e kafiterisë ‘’Astoria’’, në Gjilan, pas një mosmarrëveshje, gjatë rrahjes, i kanë shkaktuar lëndim trupor të pandehurit tjetër G.A., në atë mënyrë që me dashje dhe përgatitje paraprake, me sëpatë dhe thikë në gjatësi prej 50 cm, e kanë sulmuar të njëjtin dhe në mënyrë të dhunshme e kanë futur në automjet, ku aty me thikë e kanë kërcënuar me fjalë se do ta presin”, thuhet në komunikatën e Prokurorisë Themelore në Gjilan.

I pandehuri G.A., në ato momente, me qëllim, që t’i frikësojë të pandehurit e lartë shënuar, ka shtënë me armë në ajër, duke shkaktuar rrezik të madh për jetën e qytetarëve të pranishëm.

E.K. dhe A.XH., me thikë dhe sëpate, kanë gjuajtur në drejtim të të pandehurit G.A., duke shkaktuar rrezik për jetën e qytetarëve, të cilët kishin intervenuar për t’i ndarë.

“Në këtë mënyrë, të dyshuarit E.K. dhe A.XH., dyshohet se kanë kryer veprat penale ‘’Lëndim i lehtë trupor’’ dhe ‘’Shkaktim i rrezikut të Përgjithshëm’’, të Kodit Penal të Republikës së Kosovës’’.

Ndërsa, i dyshuari G.A., dyshohet të ketë kryer veprat penale ‘’Armëmbajtje pa leje’’ dhe ‘’Shkaktim i rrezikut të përgjithshëm’’, të KPRK-së”, thuhet mes tjerash në komunikatë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!