Rrënohet pompa e benzinës e Al Petrol – ORAinfo Ballina | ORAinfo.com - Nuk ndalet
Lajmet e fundit
15 °C

Rrënohet pompa e benzinës e Al Petrol

13:45 | 02 Tetor 2018

Inspektorati i Ministrisë së Infrastrukturës, të martën filloi rrënimin e pikës së karburantit, e cila ishte e ndërtuar në pronë publike duke u bërë kështu pengesë në zgjerimin e segmentit të parë të rrugës N25.2.

Ky aksion për rrënim u ndërmor pas afatit të dhënë prej një muaji për rrënim vullnetar, por që nuk ka ndodhur nga kompania.

Rrënimi filloi nga kompania e kontraktuar dhe nën mbikëqyrjen e inspektorëve të MI-së, por pronarët dhe menaxhmenti i kësaj kompanie janë zotuar se brenda 48 orëve do ta rrënojnë pjesën e mbetur të objektit. Ky afat shtesë i rrënimit është dhënë për shkak të specifikave të objektit dhe evitimit të ndonjë dëmi të mundshëm.

Inspektorët e ministrisë do të jenë në monitorim të vazhdueshëm të punimeve për rrënim brenda afatit të dakorduar me shkrim prej 48 orëve.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!