Sheshel refuzon kthimin në Hagë – ORAinfo Ballina | ORAinfo.com - Nuk ndalet
Lajmet e fundit
7 °C

Sheshel refuzon kthimin në Hagë

18:54 | 07 Dhjetor 2017

Ultranacionalisti serb, Vojisllav Sheshel, tha se nuk do t’i ndjekë seancat dëgjimore javën e ardhshme, në rastin e tij përpara Tribunalit të Hagës për Krime Lufte.

Sheshel tha të enjten se “kurrë nuk do të kthehet në Hagë vullnetarisht”, raporton AP.

Gjykata në Hagë e ka liruar atë vitin e kaluar nga akuzat për krime lufte, gjatë luftërave në Ballkan në vitet 1990, por prokurorët e kanë apeluar vendimin.

Prokurorët fillimisht e kanë akuzuar Sheshelin për krime, përfshirë persekutim, vrasje dhe tortura në luftërat në Kroaci dhe Bosnje.

Sheshel ka kaluar vite në paraburgim të Tribunalit, pasi është dorëzuar në vitin 2003.

Sheshel, i cili udhëheq Partinë Radikale Serbe, është anëtar i Parlamentit të Serbisë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!