“Shkolla në këtë komunë të Kosovës udhëhiqet nga ‘gomari’” – ORAinfo Ballina | ORAinfo.com - Nuk ndalet
Lajmet e fundit
10 °C

“Shkolla në këtë komunë të Kosovës udhëhiqet nga ‘gomari’”

23:29 | 12 Gusht 2018

Drejtori i Shkollës së mesme të ulët “Lidhja e Prizrenit”, Betim Qorraj, sot nëpërmes rrjetit social facebook, ka përçuar mesazhin më të keq për arsimin në këtë komunë, duke e vlerësuar veten dhe njerëzit afër tij si “gomar”, ku për më tepër thotë se, edhe nëse 350 vite të jetonin, prapë të tillë do të mbeten.

Kështu ka reaguar dega e LDK-së në Deçan duke thënë se ai ka ofenduar nxënësit, mësimdhënësit dhe gjithë qytetarët.

Kështu, ata kanë vlerësuar se gjendja në arsim në këtë komunë është për të ardhur keq.

“Ai ndër të tjera harron se është drejtor i shkollës më të madhe në komunë, ndërkaq me këtë shkrim ofendon nxënësit, mësimdhënësit dhe gjithë qytetarët , duke vlerësuar se Shkolla e mesme e ulët “Lidhja e Prizrenit” udhëhiqet nga një “gomar”.

Se gjendja në arsim në komunën e Deçanit është për të ardhur keq, më nuk përbën lajm. Lajm nuk përbën as fakti që partia në pushtet e ka politizuar skajshmërish arsimin, mirëpo lajm historik është fakti se drejtor i shkollës më të madhe në komunë është një “gomar”.

Ne sinqerisht nuk kemi asgjë kundër “gomarëve”, mirëpo kërkojmë nga pushteti që të ndërmarrë masa të menjëhershme, duke e shkarkuar nga detyra drejtorin e shkollës z.Betim Qorraj, si dhe në të ardhmen, në asnjë rast dhe rrethanë, asnjë “gomar” të mos mund të jetë më drejtor i ndonjë shkolle në komunën tonë”, thuhet në reagimin e tyre.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!