Sot paguhet sektori publik – Ora Info Ballina | ORAinfo.com - Nuk ndalet
Lajmet e fundit
0 °C

Sot paguhet sektori publik

14:03 | 31 Janar 2019

Sektori publik do të paguhet sot, për shkak se pa u votuar buxheti i 2019-tës, nuk mund të bëhet asnjë shpenzim përveç borxhit publik.

Kuvendi i Kosovës akoma nuk e ka votuar projektligjin e ndarjeve buxhetore për vitin 2019. Seanca kur pritet miratimi i buxhetit për këtë vit, është caktuar për të shtunën, më 2 shkurt.

Ndërsa prej 1 shkurtit, zyrtarisht shteti është në bllokadë financiare dhe nuk mund të bëjë asnjë pagesë, përveç të borxhit publik.
Zëdhënësi i ministrisë së Financave, Muharrem Shahini, ka konfirmuar për Gazetën Express se pagat e sektorit publik, që parashihen të dalin me 1 shkurt, do të dalin sot.

Pagat do të dalin një ditë më herët, pasi nesër zyrtarisht bllokohet çdo pagesë e mundshme, deri në votimin e buxhetit.
Ligji për Menaxhimin e Financave Publike dhe Përgjegjësive parasheh që vendi mund të shpenzojë vetëm një muaj të vitit fiskal, pa buxhet të miratuar.

Ndërkaq, dje në seancën e parë të sesionit pranveror nuk u arrit të votohet mocioni procedural i kërkuar nga Komisioni për Buxhet, me të cilin është kërkuar zgjatja e afatit të shpenzimit të buxhetit derisa të miratohet projektligji i buxhetit për 2019

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!