Tërmeti në Shqipëri shkakton dëme të mëdha – Ora Info Ballina | ORAinfo.com - Nuk ndalet
Lajmet e fundit
0 °C

Tërmeti në Shqipëri shkakton dëme të mëdha

13:51 | 06 Janar 2019

Tërmeti i para pak ditësh që u ndje në Shqipëri nuk ka kaluar pa pasoja.

Pasoja më të mëdha janë parë në Vlorë, ku janë dëmtuar disa shtëpi dhe një shkollë.

Tërmeti i para dy ditëve në Qarkun e Vlorës, e që u ndie edhe në Gjirokastër, ka shkaktuar disa probleme.

Më të dëmtuara rezultojnë disa banesa në fshatin Kuç të Himarës, por situata më e rënduar është në shkollën 9-vjeçare të këtij fshati, e cila nuk do të jetë e gatshme për mësim të hënën e 7 shtatorit.

Nga të dhënat e Emergjencave Civile në këtë qark, mësohet se janë dëmtuar disa banesa, 5 prej të cilave në gjendje emergjente. Banorët thonë se nga frika janë detyruar të strehohen te të afërmit e tyre.

Dëmtime nga tërmeti në këtë fshat u panë nga afër edhe nga prefekti i Qarkut të Vlorës, Flamur Mamaj, i cili premtoi ndihmë të shpejtë për familjet e dëmtuara. Sipas tij, pushteti vendor duhet të evidentojë të gjitha dëmet e shkaktuara.

Por, në zonën e prekur më së shumti nga tërmeti me magnitudë 4.7 i shkallës Rihter ishte edhe drejtori i Përgjithshëm i Emergjencave Civile, Haki Çako, që bëri të ditur se do të bëhet një vlerësim sa më i shpejtë i dëmeve.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!