Vajza nga Dibra ua merr jetën prindërve të saj për para – ORAinfo Ballina | ORAinfo.com - Nuk ndalet
Lajmet e fundit
8 °C

Vajza nga Dibra ua merr jetën prindërve të saj për para

17:15 | 04 Shtator 2018

Privimi nga jeta i tre anëtarëve të familjes Pocesta pak ditë më parë në oborrin e shtëpisë së tyre në qendër të qytetit, në Dibër të Madhe, në Maqedoni, ka shkaktuar tronditje të madhe jo vetëm në Dibër.

I akuzuari i parë për këtë ngjarje ishte dhëndri i shtëpisë Rasim Findo, për shkak se edhe ishin në një proces gjyqësor për pronësi.

Findo për herë të parë ka folur publikisht në një intervistë për News 24, ku thotë se rasti është kryer nga vajza e madhe e familjes, e ndihmuar nga dy persona të tjerë, njëri nga Dibra dhe tjetri nga Gostivari.

Sipas Findos, arsyeja mund të jetë përfitimi i 1.5 milion eurove nga shteti italian, pasi kryefamiljari Amid Pocesta ka qenë i siguruar atje.

Burrë e grua Amid dhe Nazmije Pocesta dhe vajza e vogël e tyre Anila

Amid Pocesta 55 vjeç, Nazmije Pocesta 53 vjeç dhe vajza e tyre Anila Pocesta 14-vjeç u ekzekutuan në shtëpinë e tyre, ku më pas u gjetën nga nipi i familjes.

Rrëfimi i Rasim Findos:

U akuzove ti fillimisht?

Po, po unë, televizionet gjithandej

Të arrestuan ty?

Po po, unë si të them, në arrest isha përafërsisht. Mbrapa u zbulua me prova me gjera.

Kush ishte?

Ishte Blerta, vajza që e ka kryer krimin.

Ishte e martuar?

Blerta, jo nuk është e martuar. Jeton në Itali.

A di gjë pse e ka bërë vrasjen?

Arsye ka patur një sigurim. Arsye parash. Sigurim në Itali. Ka sigurime jete, sigurime shtëpie, kupton …

Edhe ajo do merrte pasurinë?

Rasim Findo

Normal do merrte pasurinë, prandaj ka zhdukur vajzat të gjitha. Ishte në rrezik edhe vajza tjetër.

Vetëm për pasurinë i ka zhdukur?

Po normal, ashtu diskutohet edhe ajo ashtu e ka dhënë dëshminë.

Ti fillimisht u akuzove se i ke mbytur ti. A ishe në banesë atë natë?

Po, ishim këtu deri në 3 të natës, nuk flinim

A dëgjuat krisma?

Krisma jo, nuk dëgjuam. Ne jetojmë në krahun tjetër, ka një distancë. Nuk dëgjuam fare

Kush e zbuloi i pari?

I pari e zbuloi Blerim Cela, janë dajë e nip. E mori në telefon, nuk përgjigjej njeri se duhet të shkonte edhe në dasëm.

Në c’orë ka ndodhur rasti?

Ka ndodhur në 4 të mëngjesit

Mendoni se ka pas persona të tjerë?

Po po ka patur persona të tjerë. Ka ardhur me dy persona të tjerë, njëri është nga Gostivari edhe njëri është nga Dibra, që i ka dhënë armën.

Po ajo sikur iku në Itali?

Po e ka bërë krimin edhe iku në Itali. Edhe prap është kthyer

Është kthyer prap për ti varrosur?

Po.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!