Vdekja e 15 vjeçarit nga Suhareka, sot bëhet varrim në ora 16:00 – ORAinfo Ballina | ORAinfo.com - Nuk ndalet
Lajmet e fundit
7 °C

Vdekja e 15 vjeçarit nga Suhareka, sot bëhet varrim në ora 16:00

11:26 | 11 Prill 2018

​17-vjeçari që vdiq si pasojë e një therjeje, dje në Suharekë, do të varroset të mërkurën në orën 16:00, në vendlindje.

B. Muharremaj nga fshati Gjinovc i Suharekës, ka vdekur nga therja me thikë që ka ndodhur të martën pasdite në stacionin e autobusëve në Suharekë.

Tre persona të dyshuar, të mitur, kanë sulmuar me thikë viktimën 17 vjeç dhe familjarin e tij një vit më të rritur. Ky i fundit, 18-vjeçar, është dërguar në spitalin rajonal të Prizrenit, ku është futur menjëherë në sallën e operacionit.

Varrimi i 17-vjeçarit do të bëhet të mërkurën, në orën 16:00. Për këtë ka njoftuar xhaxhai i tij, kryetari i Komunës së Suharekës, Bali Muharremaj.

“Vorrimi i Blerand (Shaban) Muharremaj bëhet sot ora 16:00, në varrezat e Fshatit Gjinoc”, ka shkruar në Facebook, kryetari i Suharekës.

“Familja Muharremaj po përjeton dhimbje të madhe. Forca dhe ngushllimi po prehen tek mbështetja e dashamirëve dhe miqve, të cilët janë afër në këtë kohë të vështirë për ne”, thuhet në mesazhin e tij.

Viktima 17 vjeç, që ka ndërruar jetë pa mbërritur në spitalin e Prizrenit, kishte qenë djali i vetëm i familjes.

Nga ana tjetër, të martën, pas përleshjes, ndihmë në Spitalin e Prizrenit kanë kërkuar edhe dy prej tre sulmuesve të dyshuar, pasi gjatë përleshjes kanë marrë lëndime të lehta.

Viktimat dhe sulmuesit kishin pasur mosmarrëveshje edhe më parë.

Policia ka arrestuar tre të dyshuarit dhe pas intervistimit janë dërguar në mbajtje.

Tre sulmuesit, siç ka mësuar Gazeta Express, njihen si persona problematikë dhe të padisiplinuar në Suharekë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!