Vdekja e Dritan Priftit, ja çka do të ndodh sot në Tiranë – ORAinfo Ballina | ORAinfo.com - Nuk ndalet
Lajmet e fundit
7 °C

Vdekja e Dritan Priftit, ja çka do të ndodh sot në Tiranë

08:53 | 13 Tetor 2017

I jepet lamtumira e fundit ish-ministrit të Energjetikës Dritan Prifti, i cili ndërroi jetë pasditen e së enjtes si pasojë e një sëmundje të rëndë në gjak.

Ndaj tij do të mbahen homazhe te Muzeu Kombëtar nga ora 10:00, deri në 12:00, ndërkohë që trupi i pajetë i ish-ministrit do të përcillet për në banesën e fundit në varrezat e Shish Tufinës.

Një orë më vonë, më 13.00, do të bëhet edhe ceremonia e varrimit.

Prifti vuante prej disa kohësh nga një sëmundje e rëndë e gjakut. Muajve të fundit ai iu është nënshtruar kurave intensive në Itali dhe Gjermani, por pavarësisht kësaj gjendja mbetet kritike.

Pasditen e së mërkurës ai është kthyer në Shqipëri, për shkak të përkeqësimit të situatës.

Dritan Prifti ishte deputet në Kuvendin e Shqipërisë nga viti 2001 deri në vitin 2013, ndërkohë që nga 2009 deri në 2010 mbajti edhe postin e ministrit të Ekonomisë, Tregtisë dhe Energjisë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!