Veriorët kushtëzojnë hapjen e urës me ngritjen e një barriere prej betoni – ORAinfo Ballina | ORAinfo.com - Nuk ndalet
Lajmet e fundit
13 °C

Veriorët kushtëzojnë hapjen e urës me ngritjen e një barriere prej betoni

08:01 | 22 Janar 2018

Ngritja e një barriere prej betoni afër urës së Ibrit është kushti që kanë vendosur serbët për t’i rinisur punimet e ndërprera për rivitalizimin e urës. Duke marrë si pretekst mungesën e sigurisë në veri, qeverisja lokale dhe e ashtuquajtura Zyrë për Kosovë në Qeverinë e Serbisë kanë kërkuar shtimin e masave të sigurisë.

Kjo evidentohet edhe në raportin e kësaj zyre nga tetori i vitit të kaluar, ku përveç KFOR-it dhe Policisë së Kosovës serbët kanë kërkuar edhe përfshirjen e EULEX-it, si dhe ndërtimin e një barriere të betonit deri në përfundimin e punimeve. Atyre nuk u ka mjaftuar as funksionalizimi i Njësisë Policore të EULEX-it me bazë në Mitrovicë, shkruan sot Koha Ditore.

Në Qeverinë e Kosovës nuk i kanë komentuar kërkesat e veriorëve duke thënë se çështja e rivitalizimit të urës do të trajtohet në kuadër të dialogut të Brukselit. Por rinisja e negociatave pas më shumë se një viti u ndërpre pas vrasjes së politikanit të njohur, Oliver Ivanoviq, javën e kaluar.

Një raport i Zyrës serbe për Kosovë flet për takimet e zhvilluara me ndërkombëtarët në funksion të zgjidhjes së çështjes së sigurisë në zonën përreth urës, si parakusht për lejimin e vazhdimit të punimeve..

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!