Zbulohet identiteti i personit që mori flamurin shqiptar pas ndeshjes – ORAinfo Ballina | ORAinfo.com - Nuk ndalet
Lajmet e fundit
18 °C

Zbulohet identiteti i personit që mori flamurin shqiptar pas ndeshjes

11:48 | 12 Korrik 2018

Gjatë ditës së djeshme në të pothuajse të gjitha mediat e rajonit, u shpërnda video në të cilën shihet një person me fanellë kroate, duke e hequr flamurin kombëtar prej dorës së një personit. Por, tani u zbulua se personi me fanellë kroate, nuk është kroat, është serb dhe jeton në Zvicër.

Në atë video shihet se si ai ia rrëmben nga dora flamurin kombëtar shqiptar një personi me makinë gjatë festimeve të triumfit të Kroacisë ndaj Rusisë në Kupën e Botës, shkruan Gazeta Express.

Por, tani mediat nxjerrin identitetin e tij të vërtetë.

Ai quhet Sasha Tomic, dhe është nga Serbia. Kjo vërtetohet edhe përmes këtyre fotografive, ku ai shihet i veshur me fanellë të shtetit të Serbisë. Gjithashtu, në instagramin e tij e ka të shkruar se është nga Serbia.

Mbrëmë Kroacia triumfoi në gjysmëfinale kundër Anglisë me rezultat 2:1, derisa të dielën do të ballafaqohet në Finale me Francën.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!