Kanë mbetur edhe pak ditë nga fesra e pavarësisë.

Formohet grupi punues për aktivitetet e 12 vjetorit të pavarësisë, ende nuk ka plan konkret.

Zbukurimet e vjetra që gjendeshin në shëshet e kryeqytetit janë zevendësuar me të rejat.

Flamujt shtetëror kanë zenë vend që nga Zahir Pajaziti, deri tek sheshi Skënderbeu.

E zbukurimet e vendosura deri tash, qytetarëve po u duken të thjeshta.

Të tjerëve pak u bëjnë përshtypje ato pasi thonë se 17 Shkurtin do e prisnin më me padurim, nëse Kosova do shënonte më shumë progres pas shpallës së pavarësisë.

E sa i përket aktiviteteve qytetarët ende nuk e dinë çka është planifikuar.

E në mbledhjen e qeverisë u fol edhe për këtë pjesë.

Aty u votua për formimin e grupit punues që do merret me përgatitjet e 12-vjetorit të pavarësisë.

Sekretari i përgjithshëm i Ministrisë së Kulturës, Rinisë dhe Sportit Veton Firzi tha se akoma nuk kanë diçka finale sa i përket organizimeve për 17 shkurt.

Ai ka thënë se në momentin kur kanë ndonjë plan të detajuar do t`i njoftojnë mediat.

Pati edhe një propozim që në kuadër të grupit punues të jetë edhe Ministria e Arsimit, meqë shkollat mbajnë aktivitete për nder të 17 shkurtit.

Pa u komentuar ky propozim u kalua te pikat e fundit të diskutimit dhe mbledhja u përmbyll.

Kryeministri Kurti nuk dha detaje se sa do t’i kushtojnë këto përgatitje buxhetit të shtetit.

Komento:

	Komenti