Zlatan Ibrahimovic do të dalë kundër një armiku të vjetër të enjten në mbrëmje kur Milan luan me Celtic, në fakt armiku i tij më i vjetër evropian.

Siç raporton La Gazzetta dello Sport, Pioli nuk ka ndërmend të pushojë Suedezin për hapjen e fazës së grupeve të Europa League dhe Ibrahimovic dëshiron të luajë, përcjell ORAinfo.

Në të vërtetë, 39-vjeçari do të luajë kundër ekipit kundër të cilit bëri debutimin e tij të plotë në Evropë, për të qenë i saktë në preliminare të Ligës së Kampionëve kur Ajax u përball kundër Hoops.
Ishte 8 gusht 2001 dhe një Zlatan 19-vjeçar ishte në anën humbëse pasi Celtic fitoi 3-1 në Amsterdam.

Ibrahimovic do të shpresojë për një rezultat më të mirë këtë mbrëmje dhe ai ka shënuar gola në të gjithë Evropën që nga ajo kohë, përfshirë 14 vende dhe 18 klube, por ai kurrë nuk ka shënuar në Glasgow.

Sidoqoftë, me pesë gola në tre paraqitjet e tij të para të sezonit, Ibra është në formë të nxehtë dhe nuk ka ndërmend të ndalet. /ORAinfo/

Komento:

	Komenti