Përmes një njoftimi në Facebook, Rama tha se janë dhënë 29 gjoba për lokale afariste që kanë tejkaluar nivelin e zhurmës.

“Kemi shpërndarë 29 gjoba për pronarët e lokaleve të cilët nuk kanë respektuar decibelët e lejuar të muzikës dhe 21 gjoba për tejkalim të orarit të punës”, ka shkruar Rama.

Sipas njoftimit, 13 vërejtje janë shqiptuar për tejkalim të decibelëve të lejuar, 5 gjoba në shumën prej 1000 eurove për tejkalim të decibelëve të lejuar pas vërejtjeve që kanë pranuar fillimisht, 3 gjoba në shumën prej 2000 eurove për tejkalim të decibelëve të lejuar për herë të dytë, si dhe 21 gjoba për tejkalim të orarit të punës në shumën prej 500 eurove.