Pesë anëtarë të familjes Ramadani nga Shtimja vdiqën në një aksident trafiku në Koshare të Ferizajt në qershor të këtij viti. Në vendin e ngjarjes vdiq Naim Ramadani 39 vjeç, nëna e tij (60), gruaja (32), djali (10) dhe motra e Naimit, vdiq më vonë në spital.

Pas aksidentit, Prokuororia Themelore e Ferizajt, kishte ndaluar një person të dyshuar për shkak të dyshimit të veprës penale “Rrezikimi i trafikut publik”. Bëhet fjalë për personin me inicialet E.M., i cili sipas prokurorisë kishte tejkaluar në vijë të plotë dhe nuk iu kishte përshtatur kushteve të rrugës.

Pas disa muajsh qëndrimi në paraburgim, me kërkesë të prokurorit, të dyshuarit E.M., i është ndryshuar masa, duke iu zëvendësuar me atë të arrestit shtëpiak për një muaj.

“Me kërkesë të Prokurorit të premten masa e paraburgimit i është zëvendësuar me arrest shtëpie për një muaj”, ka konfirmuar për Gazetën Express zëdhënësja e Gjykatës Themelore të Ferizajt, Albënora Bekteshi-Hoti.

Komento:

	Komenti