Është gjetur e mitura e cila u zhduk para 6 muajsh.

Yllka Derri nga Gjakova, u gjet në shtëpinë e të dyshuarit Blerim Radosta mëngjesin e së mërkurës

Në qershor të këtij viti, doli nga shtëpia për të shkuar në shkollë, e nuk u kthye më.

E nuk kaloi as një javë, kur e zhdukura Yllka Derri nga Gjakova, ia dërgoi këtë audio incizim familjarëve të saj.

Mirëpo, pas 6 muajve të kaluar në ankth, familja Derri nga Gjakova më në fund mori një lajm të mirë.

Polica e Kosovë, mëngjesin e 18 dhjetorit realizoj një operacion, ku arrit që ta gjejë Yllka Derrin.

Ajo u gjet në shtëpinë e familjes Radosta.

“Drejtoria Rajonale e Policisë në Gjakovë, respektivisht Sektori Rajonal për Hetime me urdhëresë të Gjykatës Themelore në Gjakovë sot me datë 18.12.2019 në ora 06:30 ka realizuar një operacion kontrolli në shtëpinë e personit të dyshuar Besart (Blerim) Radosta, i dyshuar për vepër penale ‘bashkësi jashtëmartesore me personin nën moshën 16 vjeçare’. Gjatë operacionit policor është arrestuar personi i dyshuar e po ashtu është gjetur edhe personi i mitur Yllka (Naim) Derri e cila ishte raportuar si person i zhdukur nga familjarët e saj që nga data 15.06.2019”, thuhet në njoftimin e Policisë së Kosovës.

Por, pos kësaj komunikate Polica në Gjakovë nuk ka dhënë asnjë detaj më shumë.

Madje nuk kanë qenë të qasshëm as në telefon.

E lajmi për gjetjen e vajzës së zhdukur, ka gëzuar prindërit e saj Naim e Teuta Derri.

Por, pavarësisht kësaj ata nuk ishin në gjendje të flasin para kamerës për këtë çështje.

Ndërkohë avokatja e kësaj familje, Edona Sina, shpalosi detajet e këtij rasti.

Sina kërkon që vajza e liruar të trajtohet në mënyrë profesionale nga institucionet shtetërorë.

Familja Derri, në vazhdimësi ka kërkuar ndihmë nga institucionet për të gjetur vajzën e tyre e cila ishte zhdukur.

Komento:

	Komenti