Milan do ta shesë sulmuesin, Krzysztof Piatek këtë muaj në mënyrë që të ndihmojë fondin e një lëvizje për sulmuesin e Interit, Matteo Politano.

Kuqezinjtë pritet të jenë të zënë në dritaren e janarit pas një gjysme të parë të vështirë të sezonit, me Zlatan Ibrahimovic tashmë të nënshkruar plus blerjet e Simon Kjaer dhe Asmir Begovic, përcjell ORAinfo.

Një lojtar që përballet me një të ardhme të pasigurt në klub është, Piatek. Ai, u la në pankinë për fitoren 2-0 të së shtunës ndaj Cagliari, me Zlatan Ibrahimovic dhe Rafael Leao të dy në formacionin bazë.

Sipas Luca Marchetti nga Sky Italia ​​Milani do të lejojë Piatek të largohet përgjithmonë këtë muaj për ofertën e duhur, për sa kohë që Ibra vazhdon të garantojë vazhdimësinë.

Nëse ai do të largohej, atëherë Paolo Maldini dhe Zvonomir Boban do të përqendroheshin në nënshkrimin e Matteo Politano, një sulmues i gjithanshëm i cili mund të luajë në të dy krahët dhe po lufton për kohën e lojës në Inter aktualisht./ORAinfo/

Komento:

	Komenti