Anësori i Juventusit, Marko Pjaca ka mbërritur sot në Bruksel, përpara transferimit të tij në skuadrën belge Anderlecht.

Raporti detajon se si 24-vjeçari kroat, i cili është kontraktuar me klubin me bazë në Torino deri në vitin 2021, do t’i bashkohet Anderlecht me hua në mënyrë që të fitojë më shumë kohë të rregullt të lojës dhe të zhvillojë më tej aftësitë e tij, përcjell ORAinfo.

Bianconerët gjithashtu kanë arritur një marrëveshje me të për të zgjatur kontratën e tij nga 2021 në 2023, duke treguar besimin e klubit në aftësitë dhe potencialin e tij.

Pjaca ka bërë vetëm një paraqitje për Juventus deri më tani këtë sezon nën trajnerin Maurizio Sarri, duke luajtur 15 minuta në fitoren 4-0 të klubit ndaj Udinezes në Coppa Italia.

Që nga ardhja e tij në Torino në verën e vitit 2016, Pjaca ka bërë vetëm 21 paraqitje në të gjitha garat për Bianconeri, duke shënuar një gol në atë kohë. Ai e kaloi sezonin e kaluar si huazim me Fiorentina./ORAinfo/

Komento:

	Komenti