Që nga koha kur Milan kaloi në formacionin 4-4-2, Samu Castillejo ka qenë një lojtar krejtësisht tjetër.

Spanjolli që nuk e gjente vetën nën drejtimin e Giampaolos në fillim të sezonit, tani është një lojtar i rëndësishëm për kuqezinjtë në vend të Susos të larguar, përcjell ORAinfo.

Padyshim që tifozët po e vlerësojnë shumë punën e tij në fushë, dhe ai po bën çmos për klubin në çdo ndeshje.

Javët e fundit, për më tepër, ai ka treguar klasën e tij duke kontribuar në momente thelbësore, nga golat në asistime.

Mbrëmë, ai ka luajtur derbin e tij të parë në Milano duke qenë startues.

Ai në këtë ndeshje pati paraqitje të mirë, ndonëse nuk shënoi.

Sidoqoftë, gjërat mund të ishin ndryshe në janar, pasi drejtuesit e Milan tentuan ta shisnin atë.

Por ishte lojtari që tha jo dhe duket se ishte një vendim shumë i mençur.

Viti i ri, roli i ri dhe një formë e re e gjetur ka bërë që spanjolli t’i fitojë jo vetëm zemrat e tifozëve, por edhe të trajnerit dhe drejtuesve të Milanit. /ORAinfo/

Komento:

	Komenti