Ditët e fundit, ka pasur shumë zëra për të ardhmen e Stefano Pioli në Milan.

Shumë besojnë se ai nuk është njeriu i duhur për të udhëhequr Milanin dhe pohimet për Ralf Rangnick janë rritur.

Thashethemet që lidhin gjermanin me kuqezinjtë nuk kanë kaluar pa u vënë re nga meduimu gjerman Bild, duke sugjeruar se ai mund të merrte një rol revolucionar në klub, përcjell ORAinfo.

Në fakt, ai do të vepronte si drejtor sportiv dhe menaxher.

Duke vlerësuar situatën aktuale të Milanit, Paolo Maldini foli për Sky Italia përpara ndeshjes me Juventus nesër.

Legjenda e klubit u pyet për të ardhmen e Piolit dhe thashethemet që i lidhin me Rangnick.

“Pioli? Jemi të lumtur me të, sepse ai mori përsipër në një situatë të vështirë dhe kishte pak siguri. Ai e ka imponuar veten dhe i ka bërë lojtarët e rinj të rriten, duke i dhënë ekipit një identitet”, ka thënë Maldini, përcjell ORAinfo.

“E ardhmja e tij? Nga tani e deri në fund të sezonit, shumë gjëra mund të ndodhin. Të gjithë ne, por mbi të gjitha menaxherët dhe drejtorët jetojmë në rezultate. Ne jemi vërtet të lumtur me punën e Piolit. Do të ulemi në fund të sezonit në maj dhe do të diskutojmë”.

“Rangnick? E lexova këtë. Sinqerisht, si drejtor i zonës sportive, me respekt të duhur, unë nuk mendoj se ai është profili i duhur për t’u shoqëruar me Milanin”, përfundoi ai.

Me fjalë të tjera, asgjë nuk është bërë ende, ndryshe sa kanë pretenduar disa raporte.

Ka kuptim vetëm që të paktën t’i jepet kohë Piolit deri në fund të sezonit përpara se të marrë një vendim, megjithëse koha po mbaron për menaxherin. /ORAinfo/

Komento:

	Komenti