Skuadra e Realit po bëhet gati për transferime të reja.

Sulmuesi argjentinas i Interit këtë sezon është bërë objektiv i klubeve të mëdha evropiane, përfshirë këtu edhe Realin e Barcelonën

Real Madridi është në kërkim të një sulmuesi për sezonin e ardhshëm, shkruan Gazeta Express.

Dhe, mediat e huaja shkruajnë se “Los Blancos” ia kanë vënë syrin futbollistit të Interit, Lautaro Martinez.

Mbretërit janë të gatshëm ta paguajnë klauzolën e shkëputjes së kontratës së sulmuesit argjentinas prej 111 milionë eurosh, të vendosur nga “Nerazzurri”.

Përfaqësuesit e futbollistit janë të informuar për interesimin e Realit dhe futbollisti është i gatshëm për ta bërë këtë hap përpara në karrierë.

Mirëpo, klubi spanjoll për të ardhur deri tek Lautaro duhet ta mposht konkurrencën e rivalit të përjetshëm, Barcelona, e cila e do po ashtu futbollistin.

Martinez nuk e ka vazhduar ende kontratën me Interin.

Futbollisti i kërkon 8 milionë euro në vit, ndërsa klubi italian ofron më pak.

Për Lautaron, thuhet se interesim ka shfaqur edhe gjiganti britanik, Manchester United.

Komento:

	Komenti