Qytetarët e Gjakovës kanë vendosur që këtë dietë me diell ta shijojnë në park.

Kryetari i Komunës së Gjakovës Ardian Gjini, ka bërë të ditur se bashkë me policinë janë detyruar sot të intervenojnë në shpërndarjen e qytetarëve për shkak të numrit të madh të tyre të koncentruar në Shkugëz.

Gjini është shprehur se vendi nuk gjendet në pushim vjetor e as në ndonjë festë, por në gjendje të distancimit social për të shmangur të keqen nga koronavirusi.

“Për shkak të rrezikut të drejtpërdrejtë dhe shumë të lartë që secili prej nesh të infektohet me koronavirus, shteti ka vendosur që të mbyllen shkollat dhe shumë institucione tjera. Por nuk jemi në pushim vjetorë e as në ndonjë festë!Sot jemi detyruar të intervenojmë me polici për shkak të numrit të madh të qytetarëve të koncentruar në Shkugëz”, ka shkruar Gjini në Facebook.

Ai ka shtuar se distancimi social është e vetmja mënyrë për ta shmangur të keqen më të madhe.

“Kjo sjellje e disa njerëzve është skajshëm e papërgjegjshme kundrejt familjeve të tyre dhe qytetarëve tjerë. Kjo është injorancë e skajshme. Distancimi social është e vetmja mënyrë për ta shmangur një të keqe edhe më të madhe. Shteti është i detyruar të veprojë kundër një numri njerëzish që në mënyrë kaq të papërgjegjshme e rrezikojnë vetveten dhe tjerët”, ka shkruar Gjini.

Komento:

	Komenti