Republika e Kosovës dhe ajo e Shqipërisë kanë nënshkruar Letër Marrëveshje për hapjen e korridorit ajror mes dy shteteve.

Agjencia e Shërbimeve të Navigacionit Ajror të Kosovës ka njoftuar se marrëveshja është në kuadër të projektit “Mbledhja për Normalizimin e Aviacionit të Ballkanit” (BANM), të udhëhequr nga NATO.

Kjo marrëveshja do të shkurtojë për rreth 15 minuta fluturimet në ANP.

“Ky është një hap i rëndësishëm për normalizimin e hapësirës ajrore të Kosovës sepse korridori i ri ajror do t’i shkurtojë për rreth 15 minuta fluturimet në Aeroportin Ndërkombëtar të Prishtinës “Adem Jashari” dhe, si rrjedhojë, do t’i rrisë përfitimet e udhëtarëve, do t’i ulë kostot operacionale të kompanive ajrore dhe emitimet e karbonit drejt një aviacioni më të gjelbërt”, thuhet në njoftimin e ASHNA’s.

Komento:

	Komenti