Një ngjarje shumë e rëndë ka ndodhur dje në Zvicër.

Dje në të gjitha mediat zvicerane është raportuar për privimin nga jeta të një gruaje të re, 24 vjeçe, nga vjehrri i saj 56-vjeçar në Pratteln të Kantonit Baselland.

Mësohet se autori dhe viktima ishin shtetas kosovarë.

Vjehrri dhe djali i tij 27 jetonin me të shoqen e këtij të fundit dhe me nipin 4 vjeçar deri një vit më parë.

Pastaj familja e re ishte zhvendosur në shtëpinë e tyre, afër shtëpisë së babait dhe kanë ruajtur lidhjet e ngushta familjare.

“Gjyshja shpesh kujdesej për djalin”, thotë një fqinj.

Por, mbetet e paqartë përse kosovari 56-vjeçar e ka privuar nga jeta nënën e nipit të tij.

Një përfaqësues i familjes ka thënë për blick se “ai mund të ketë vepruar në vetëmbrojtje.

Ndoshta nusja e ka sul’muar, pasi edhe ai ishte lënduar në dorë.

Policia e Kantonit Bazel-Landschaft ka deklaruar se viktima është privuar nga jeta me mjet të ftohtë.

Sfondi i mosmarrëveshjes mund të ketë qenë divorci i planifikuar në mes të çiftit të ri.

Djali i 56 vjeçarit kishte marrë fshehurazi një avokat për të bërë divorcin, thonë anëtarë të familjes.

Në momentin kur nusja ka marrë vesh për planin e të shoqit, ajo thuhet se ka shkuar te vjehrra me djalin e saj dhe mund ta ketë fajësuar për problemet e saj martesore.

Mosmarrëveshja pastaj përfundimisht është përshkallëzuar.

Sipas përfaqësuesit të familjes, gjyshja e ka marrë djalin dhe ka ikur nga banesa kur ka filluar zënka pasi që djali nuk duhej të vëzhgonte përshkallëzimin.

Gruaja e 56 -vjeçarit dhe tre djemtë e tij tani kanë frikë nga gjakmarrja, shpjegon përfaqësuesi i familjes”.

Lagjja është në gjendje shoku. Aty personi tashmë i dyshuar për privimin nga jeta njihet si një njeri i sjellshëm dhe i dobishëm. “Unë mund të shpresoj vetëm se ishte vërtet vetëmbrojtje”, thotë njëri ndër fqinjët.

Komento:

	Komenti